འབར་བོད་གཉིས་ཀྱི་སྐད་བར་འབྲེལ་བ།

སྤྱི་བཤད།

འཛམ་གླིང་འཁོར་མོ་ཡུག་འདི་བདག་བཟུང་བྱེད་བཞིན་པའི་མི་རིགས་དང་རྒྱལ་ཁབ་དེ་དག་གི་སྐད་རིགས་དང་ཡི་གེ་ལ་ཡུལ་དེ་ཚོའི་ལོ་རྒྱུས་དང་དཔགས་པའི་ཉམས་ཞིབ་པ་ཚོས་ཞིབ་དཔྱད་བྱས་པ་ལས་བྱ་རྒྱུ་མང་བའི་དུས་རབས་འདིར། ཁོ་བོས་ཀྱང་སྟེས་དབང་ཞིག་གིས་རྟོག་འཆར་ཐུང་ངུ་ཞིག་གླེང་ན་འདོད།

mandala of five elementsལོ་རྒྱུས་གཏིང་ཟབ་ལ་ཕུ་ཐག་རིང་བ། ཡར་རབ་ཤེས་ཡོན་གྱིས་ཕྱུག་པའི་བོད་གངས་ཅན་པའི་ཞིང་འདིར་མི་ལོ་སྟོང་ཕྲག་དུ་མའི་ཡར་སྔོན་ནས་གླེགས་བམ་གྱི་བྲག་རི་བརྩིགས་ཡོད་པའི་འབེལ་གཏམ་རྣམས་དེང་དངོས་གཙོ་ཚན་རིག་གི་ལམ་ནས་བདེན་ཁ་ཡང་ཡང་སྟེར་གྱིན་པར་མ་ཚད། དཔེ་མཚོན་ཆུང་ངུ་ཞིག་གླེང་ན་ཡུལ་གཞན་ཤར་གླིང་ཨེ་ཤ་ཡའི་ས་བབ་ཆགས་སྟངས་སྐོར་གྱི་མཁས་པ་སུས་ཀྱང་བཞེད་མ་མྱོང་བའི་གཏམ་རྒྱུད་ཅིག་སྟེ། མི་ལོ་ཉིས་སྟོང་གོང་ཙམ་དུ་བོད་ཡུལ་རྣམས་ཆུས་ཁེངས་ཡོད་པ་དང་། དེ་ནས་གློ་བུར་ས་འགུལ་རྒྱུག་པ་ལྟར་ཆུ་རྣམས་གང་ཞིག་ཏུ་ཐིམས་རྗེས་བོད་དེ་མཐོ་སྒང་དུ་བུད་སོང་བ་འདྲ་བའི་ང་ཆེ་ང་བཙན་གྱི་གསུང་འབུམ་དང་ཡིག་ཚང་སོགས་སུ་བསྐྱར་གླེང་ཡང་གླེང་བརྒྱ་ཕྲག་འགའ་བྱས་ཡོད་ཀྱང་། ལོ་ངོ་འདི་དག་གི་རིང་དངོས་ཁམས་ཚན་རྩལ་གྱི་མཐོ་རླབས་ཉིན་རེ་ནས་ཉིན་རེར་གནའ་བོའི་ལོ་རྒྱུས་ཀྱིས་ཕྱུག་པའི་ཡུལ་ལུང་དེ་དག་ལ་འཕྱུར་རྗེས། ད་གཟོད་རང་རེའི་མེས་པོའི་ཡུལ་གྲུ་འདིར་ལོ་ངོ་ཆིག་ཁྲིའི་གོང་གི་དུད་འགྲོའི་དུས་སྒྲོམ་དང་། མི་ལོ་སྟོང་ཕྲག་ལྔ་དྲུག་གོང་གི་མིའི་རྐང་རྗེས་དང་ཤིང་ལོའི་རྗེས་སོགས་དང་། མི་ལོ་སྟོང་ཕྲག་གསུམ་བཞིའི་གོང་གི་རྡོ་བརྐོས་ཡིག་རིགས་སོགས་ས་སྟེང་དུ་བུད་དང་འབུད་བཞིན་ཡོད་སྟབས་ཉིན་ཞིག་འགོ་མཇུག་ཆ་ཚང་བའི་ལོ་རྒྱུས་ཀྱི་སྒྲོམ་བུ་ཞིག་འཛམ་གླིང་གི་སྐྱེ་བོ་ཡོངས་ཀྱི་སྤྱན་ལམ་དུ་དོན་མི་སྲིད་པ་མ་རེད། སྐབས་དེར་ང་ཆེ་ང་བཙན་གྱི་གསུངས་རབས་གླེགས་བམ་དེ་དག་གད་སྙིགས་ཀྱི་ཕུང་པོ་རི་ཙམ་འགྱུར་རྒྱུ་ཐེ་མི་ཚོམ། དེ་ནི་ལས་འབྲས་ཀྱིས་མཛུབ་མོ་སྐོར་བཞིན་པས་རེད་ལ། སྔོན་གཤེགས་རིག་འཛིན་རྣམས་ཀྱི་བཀའ་ལུང་ལ་སླུ་བ་མེད། བདེན་པ་ནི་ནམ་ཞིག་བདེན་པར་ལས་གཡོལ་ས་མེད་པས་རེད།
ངན་ལོབ་ཏུ་སོང་བའི་བསྐྱར་གླེང་ཡང་གླེང་དེ་དག་ལས་ཆེས་ཉེས་ཁ་ཆེ་བ་ཞིག་ནི་མི་ལོ་སྟོང་ཕྲག་ལྔ་དྲུག་གི་ལོ་རྒྱུས་ལྡན་པའི་བོད་གངས་ཅན་ལྗོངས་འདིར་དུས་རབས་བདུན་པ་ཡན་ཆོད་ཀྱི་ང་ཚོའི་མེས་པོ་ཚོ་དམུས་ལོང་ཁྱུ་ཞིག་བསྒྲུབས་ཡོད་ལ། འཛམ་གླིང་གི་ལོ་རྒྱུས་ཡིག་ཚང་དུ་འགོད་རིན་ཆོག་པའི་བོད་རྒྱལ་ཐོག་མ་གཉའ་ཁྲི་ནས་བཟུང་དཔའ་མཛངས་བློ་གྲོས་ལྡན་པའི་རྒྱལ་རབས་སུམ་བཅུའི་གྲངས་ཀྱི་རྒྱལ་པོ་རྣམས་གླེན་པ་ཁུ་ཚུར་ཙམ་རེ་བསྒྲུབས་ཡོད་པ་ནི་བཤགས་ན་དག་དཀའ་བའི་སྡིག་ཉེས་ཚབ་ཆེན་ཞིག་བསགས་པ་རེད་དྲན།
མུ་མཐུད་ཀློག

Advertisements

གཡུང་དྲུང་བོན་གྱི་དོན།

གཡུང་དྲུང་བོན་གྱི་བསྟན་དོན་ནི།

སྤྱིར་སྟོན་པ་སངས་རྒྱས་ཀྱིས། སྡུག་བསྔལ་བྲལ་འདོད་དང༌། བདེ་བ་ཐོབ་འདོད་ཀྱི་སེམས་ཅན་ཚང་མའི་བསོད་ནམས་ཀྱི་བགོ་སྐལ་དུ་ལོངས་སུ་སྤྱོད་རྒྱུར་ཕན་བདེའི་འབྱུང་གནས་སངས་རྒྱས་གཡུང་དྲུང་བོན་གྱི་བསྟན་པ་རིན་པོ་ཆེ་འདི་བསྟན་ལ། ཁྱད་པར་དུ་གདུལ་བྱ་རིགས་ཅན་གསུམ་གྱིས་དབང་བོ་རབ་འབྲིང་ཐ་གསུམ་ལ་ལྟོས་ཏེ་བཀའ་རབ་འབྱམས་ཐེག་པ་བོན་གྱི་རྒྱ་མཚོའི་འདུས་དོན་མདོ་སྔགས་སེམས་གསུམ་བྱུང་སྟེ་རྒྱལ་བའི་བསྟན་པ་གདུལ་བྱ་དབང་རྣོན་མང་བའི་དུས་སུ་རྫོགས་ཆེན་གཙོ་བོར་གྱུར་པའི་བསྟན་པ་བྱུང༌། མུ་མཐུད་ཀློག

གསོན་ཉམས་ལྡན་པའི་གནའ་བོའི་བོད་ཀྱི་རིག་གནས།

ཐུབ་བསྟན་ཕུན་ཚོགས།
ཡོང་ཁུངས། ཁམས་པའི་གསར་འགྱུར་དྲ་བའི་ལེ་ཚན།
རྒྱལ་མོ་ཚ་བ་རོང་གི་ཡུལ་སྐད་དང་། ཡུལ་སྲོལ་གོམས་གཤིས་མང་པོ་ཞིག་ནི་གསོན་ཉམས་ལྡན་པའི་བོད་ཀྱི་གནའ་བོའི་རིག་གནས་ཤིག་རེད། ལྷག་པར་དུ་སི་ཏུ་ཆོས་འབྱུང་གི་དགོངས་བཞེད་ལྟར་ན། བོད་ཡིག་གི་སྦྱོར་ཀློག་ནི་སྐབས་དེ་དུས་ཀྱི་བོད་སྐད་ཀྱི་སྒྲ་གདངས་ལ་གཞིར་བཟུང་ནས་གསར་གཏོད་བྱས་པ་ཞིག་ཡིན་ཞིང་། སྐད་ཀྱི་སྒྲ་གདངས་ལ་བརྟེན་ནས་མགོ་ཅན་དང་འདོགས་ཅན། སྔོན་འཇུག རྗེས་འཇུག་གི་རྣམ་གཞག་འདི་དག་མཛད་ཡོད་པ་རེད། དེང་དུས་བོད་སྐད་ནང་དུ་སྦྱོར་ཀློག་མི་འདྲ་བའི་སྒྲ་གདངས་དེ་དག་ཕལ་ཆེར་བ་ཞིག་བརླགས་ཟིན་ནའང་། རྒྱལ་རོང་གི་ཡུལ་སྐད་ནང་དུ་ཆེས་ཐོག་མའི་བོད་སྐད་ཀྱི་སྒྲ་གདངས་དེ་ད་དུང་གནས་ཡོད་པ་ཞིག་རེད། དཔེར་ན་དེང་དུས་ཡུལ་དབུས་ཀྱི་ཁ་སྐད་དུ་ཏ་དང་རྟ། ལྟ། སྟ་བཅས་ལ་དོན་གྱི་ཁྱད་པར་ལས་སྒྲ་ཡི་ཁྱད་པར་མེད་པ་ཆགས་ཟིན་ཡང་། གནའ་བོའི་སྐད་གདངས་ལ་དེ་དག་སོ་སོར་ཁྱད་པར་ཡོད་པའི་སྟབས་ཀྱིས་མགོ་ཅན་དེ་སྦྱར་དགོས་པར་བྱུང་ཡོད་པ་ལྟར། དེ་དག་ཕལ་ཆེར་རྒྱལ་རོང་གི་ཡུལ་སྐད་ལ་ད་ལྟའང་ལོ་ངོ་སྟོང་ཕྲག་བཞི་ལྷག་གོང་གི་སྒྲ་གདངས་དེ་གསོན་ཉམས་ལྡན་པར་གནས་ཡོད་པ་རེད།

མུ་མཐུད་ཀློག

བསམ་ཚུལ།

ཉི་ཟླ་གཟའ་སྐར་སོགས་ཀྱི་ལྟ་ཚུལ།

རྩོམ་འདི་རྩོམ་པ་པོ་ནོར་བུ་ཚེ་རིང་གི་ཧི་བོན་ཟིན་བྲིས་ལས་དྲངས། མ་རྩོམ་ཆ་ཚང་གཟིགས་དགོས་ཚེ་འདིར་གནོན་ནས་ཕེབས་རོགས།

དེ་བཞིན་དུ་གཡུང་དྲུང་བོན་རྣམས་ཀྱིས་མཐོངས་ཀྱི་ཉི་ཟླ་གཟའ་སྐར་སོགས་ཀྱང་ཞི་ལའི་ཨཱ་པའོ་ལོ་ཡི་གཏམ་རྒྱུད་དང་མེ་གླིང་གི་ཉི་མ་ལྔའི་གཏམ་རྒྱུད་དང་རྒྱའི་ཧེའུ་ཡེའི (后羿) ལྟ་བུ་ལ་སོགས་ལྷ་སྒྲུང་ཁོ་ནའི་བཤད་ཡུན་མེད་པར་ཚན་རིག་དང་མཐུན་པའི་ལྟ་ཚུལ་ཞིག་ཡོད་པ་ཡང༌། 《མཛོད་འགྲེལ》ལས། “ཉི་ཟླ་གཟའ་སྐར་སྣང་སྲིད་རྒྱན་ཞེས་པ། ཆུ་རླུང་འཁྲུགས་པའི་སའི་སྙིང་བོ་ལས་ཉི་མ་ཟླ་བ་འབྱུང༌། དེའི་འོད་ཟེར་འཐོར་བས་གཟའ་དང་སྐར་མ་སྐར་ཕྲན་འབྱུང་ངོ༌། །དེས་ལོ་ཟླ་རྩི་བའི་གྲངས་རྡོ་དང༌། སྣང་སྲིད་གསལ་བའི་རྒྱན་དུ་བྱུང་ངོ༌། །”ཞེས་པ་ལྟར་དང༌།

མུ་མཐུད་ཀློག

སྒོམ་པ།

བོན་གྱི་སྒོམ་པ་ནི་སྒོམ་པ་ནི། གཞི་སྙིང་རྗེ་ཆེན་པོ་དང་མ་བྲལ་བར་ཚོགས་གསོག་པ་དང་འབྲེལ་ནས། བདག་མེད་རྟོགས་པའི་ངེས་ཤེས་དེའི་རྒྱུན་བསྐྱངས་ནས་སྒོམ་པས་ས་ལམ་རིམ་པར་བགྲོད་དེ་འཚང་རྒྱ་བ་ཡིན།

སྤྱོད་པ།

སྤྱོད་པ་ནི། དེ་དག་མཐར་ཕྱིན་པའི་དོན་དུ། གཞི་སེམས་བསྐྱེད་ཀྱིས་བཟུང་ཐབས་ཕ་རོལ་ཏུ་ཕྱིན་པ་བཅུ་ལ་སློབ་དགོས་ཤིང་། དེ་ཡང་སྡོམ་པ་འོག་མ་སོ་ཐར་གྱི་སྡོམ་པ་ལ། དགེ་བསྙེན་གྱི་གཏན་ཁྲིམས་སྣ་ལྔ། གཙང་གཙུག་གི་སྡོམ་པ་ཉེར་ལྔ། བསྙེན་རྫོགས་ཀྱི་ཉིས་བརྒྱ་ལྔ་བཅུ་སོགས་དང་། བྱང་ཆུབ་སེམས་དཔའི་སྡོམ་པ་ལ། ཐུགས་རྗེ་སེམས་དཔའི་ལུག་ཀྱི་བྱང་སྡོམ་ཉི་ཤུ་པ། སྤྲོས་མེད་ལུགས་ཀྱི་བརྒྱ་རྩ་དགུ་པ་སོགས་བསླབ་པའི་གནས་མཐའ་དག་འོག་མ་མི་འདོར་བར། གོང་མ་རིམ་བཞིན་ཏུ་བསླབ་པ་ལ། རྒྱལ་སྲས་བྱང་ཆུང་སེམས་དཔའི་སྤྱོད་པ་རླབས་ཆེན་ཞེས་བརྗོད་ལ། སྤྱོད་པ་མས་འཛེགས་ཞེས་པའི་དོན་དེ་ཡིན་ནོ།

བོན་གྱི་ལྟ་བ།

དེ་ཡང་སྟོན་པ་གཤེན་རབ་ཀྱིས་གསུངས་པའི་《མདོ་》ལས། ལྟ་བ་ནི་ཡས་ཕུབ་ཅིག སྤྱོད་པ་ནི་མས་འཛེགས་ཤིག གཞི་སྙིང་རྗེ་ཆེན་པོ་ལ་ལོངས་ཤིག   ཐབས་པ་རོལ་ཕྱིན་དྲུག་ལ་སྤྱོད་ཅིག་ཅེས་འཁོར་རྣམས་ལ་གསུངས་པ་ལྟར། ལྟྭ་བ་ནི། གདུལ་བྱའི་ཁྱད་པར་ལས། མདོ་ལྟར། གྲུབ་མཐའ་གོང་འོག་དང་། སྔགས་ལྟར་རྒྱུད་སྡེ་གོང་འོག་གི་རིམ་པ་བྱུང་བས། གྲུབ་མཐའ་འོག་མ་ལ་གཤེན་རབ་རྣམ་རྩོད་པ་དང་། རང་རྟོགས་གཤེན་རབ་པ་གཉིས། གོང་མ་ལ། ཐུགས་རྗེ་སེམས་དཔའ་སེམས་ཙམ་པ་དང་། གཡུང་དྲུང་སེམས་དཔའ་སྤྲོས་མེད་པ་གཉིས་ཏེ་བཞི་བྱུང་བས། རེ་རེ་ལ་ལྟ་བའི་ཁྱད་པར་ཡོད་ལ། སྤྲོས་མེད་པ་ནི་དབུ་མ་བ་ཡིན་པས། མདོ་ལུགས་ལྟ་བ་རྣམ་པར་དག་པའམ། ཆེས་མཐོ་བའི་ལྟ་བ་སྟེ། ལྟ་བ་ཡས་ཕུབ་ཅེས་པ་དེ་ལ་གསུངས། དེ་ཉིད་རྟོགས་པའི་ཐབས་ལ། བདག་མེད་རྣམ་གཉིས་གཏན་ལ་ཕབ་དགོས་པས། སྟོན་པ་ཉིད་ཀྱིས་《འབུམ་ཤེར་ཕྱིར་》《ཁམས་ཆེན་སྟོང་ཕྲག་བརྒྱ་པ》སོགས་འབུམ་སྡེ་པོ་ཏི་མང་པོ་གསུངས་པ་ནི། བདག་གཉིས་རིང་བཞིན་གྱིས་གྲུབ་པ་རྡུལ་ཙམ་ཡང་མེད་པ་ཁོ་ནའི་དོན་ཡིན།